प्रकाश पाक्साँवा
तेह्रथुम २५ साउन
तेह्रथुमको छथर गाउँपालिकाको केन्द्र छथर सुक्रबारेमा ऐतिहाँसिक रुपमा लाग्दै आएको भदौ पुर्णिमा मेलाको अवसरमा चौथो गाउँपालिका अध्यक्ष प्रतियोगिताका साथै सांस्कृतिक कार्यक्रम आयोजना हुने भएको छ । खेलकुद र संस्कृती हाम्रो सान,समृद्ध छथर निमार्ण गर्ने हामे अभियान भन्ने मुल नाराका साथ बिहीबार पत्रकार सम्मेलन गरी छथर गाउँपालिकाको सहयोग तथा रत्नदेवी युवा सेवा समाजको आयोजनामा कार्यक्रम हुने सार्वजानिक गरिएको छ । गाउँपालिका क्षेत्रलाई खेल पर्यटका साथै लोपउन्मुख कला,संस्कार,संस्कृती संरक्षण गर्ने उदेश्यका साथ चौथो गाउँपालिका अध्यक्ष कपको आयोजना गरिएको गाउँपालिका अध्यक्ष सन्तोष तिगेलाले बताउनु भयो ।
मेलाको अवसरमा फुटबल,भलिबल र व्याडमिन्टन प्रतियोगिता हुने भएको आयोजकले जनाएको छ । फुटबल प्रतियोगिता तर्फ प्रथम हुनेले गाउँपालिका अध्यक्ष कपको साथमा नगद १ लाख ५१ हजार,प्रमाणपत्र र मेडल पाउने भएका छन । त्यस्तै दोश्रो हुनेले नगद ७५ हजार कप र प्रमाणत्र र मेडल पाउने भएका छन । त्यस्तै भलिबल प्रतियोगिता प्रथम हुनेले नगद १ लाख ५१ हजार गाउँपालिका अध्यक्ष रनिङ कप,मेडल र दोश्रो हुनेले नगद ७५ हजार कप र प्रमाणपत्रको साथ मेडल पाउने भएका छन । त्यस्तै व्याडमिन्टन तर्फ प्रथम हुनेले गाउँपालिका अध्यक्ष कप, नगद ४१ हजार,कप,प्रमाणपत्र र मेडल र दोश्रो हुनेले नगद २५ हजार, प्रमाणपत्र र मेडल पाउने भएको रत्नदेवी युवा सेवा समाजका अध्यक्ष अनिल आंखेवाले बताउनु भयो । प्रतियोगितालाई शव्य तथा भव्य रुपमा सपन्न गर्न विभिन्न खेलकुद तथा सांस्कृतिक व्यवस्थापन समितीहरु गठन गरिएका छन ।
