प्रकाश पाक्साँवा
तेह्रथुम २३ फागुन
धनकुटा जिल्लाको छथर जोरपाटी गाउँपालिकामा दादुरा रुवेला खोप अभीयान सम्बन्धी पालिका स्तरीय अभिमुखीकरण कार्यक्रम सम्पन्न भएको छ । छथर जोरपाटी गाउँपालिका स्वास्थ्य शाखाको आयोजनामा कार्यक्रम सम्पन्न भएको हो ।
राष्ट्रिय अभीयानको रुपमा रहेको दादुरा रुवेला खोपलाई प्रभावकारी बनाउन नियमित खोप केन्द्र र अभीयानका क्रममा थपिएका गरी जम्मा ३४ वटा खोप केन्द्रबाट खोप दिईने भएको छ ।
९ महिना देखी ५ बर्ष मुनीका बालबालिकाहरु खोप दिईने भएको छ । गाउँपालिकाको स्वास्थ्यले १३ सय ७० जना बालबालिकाहरुलाई खोप दिने लक्ष्य रहेको स्वास्थ्य प्रमुख सुन्दरमान डंगोलले बताउनु भयो ।कार्यक्रममा ददुरा रुवेला रोग भनेको के हो ? अभीयानको अवस्यकता,लक्षित समुह र अभीयान सञ्चालन हुने मिती र स्थान जानकारी गराइएको थियो ।
गाउँपालिका अध्यक्ष, छत्र सुब्बा,उपाध्याक्ष,गिता गुरुङ खेवा,निमित्त प्रमुख प्रशासकीय,वडाध्यक्षहरुको साथै पालिका स्तरीय खोप समन्वय समितीका पदाधिकारीहरुको सहभागीता रहेको कार्यक्रमको सहजीकरण स्वास्थ्य शाखा सह संयोजक दिनप्रसाद दुलालले गर्नु भएको थियो ।
उक्त अभियानका क्रममा निमियत खोपमा छुटेका बालबालिकाहरुलाई समेत खोप लाईने भएको छ । थप खोप लिनको लागि नियमित लगाइ रहेको खोप कार्ड अनिवार्य ल्याउनु पर्ने शाखाले जनाएको छ । त्यस्तै वडाहरुमा वडा खोप समन्वय समिती, खोप केन्द्रमा खटिने खोप कार्यकर्ता तथा स्वयंसेवकहरुलाई वडामा रहेका स्वास्थ्य संस्थाहरुमा अभिमुखीकरण कार्यक्रमहरु सञ्चालन भई रहेका छन ।
