नरेन्द्र कश्चित
कार्तिक ८ धनकुटा
धनकुटाको हिले बजारमा कार्तिक १४ गतेका दिन १ दिने साँस्कृतिक साँझ कार्यक्रम हुने भएको छ ।
हिले ब्याडमिन्टन क्लबको आयोजनामा तेस्रो राष्ट्रिय खुल्ला ब्याडमिन्टन प्रतियोगिता संचालन सहयोगार्थ कार्तिक १४ गते बुधबारका दिन १ दिने साँस्कृतिक कार्यक्रम गरिने आयोजकले आज हिलेमा पत्रकार सम्मेलन गरि जानकारी प्रदान गरेको हो ।
साँस्कृतिक कार्यक्रममा राष्ट्रियस्त्तरका बहु चर्चित कलाकार एवं मन्त्र ब्यान्डको लाइभ म्युजिक कन्सर्टसँगै स्थानीय कलाकारहरुको समेत प्रस्तुति रहने हिले ब्याडमिन्टन क्लबका अध्यक्ष आशिष तामाङले पत्रकार सम्मेलन मार्फत जानकारी दिए ।
साँस्कृतिक साँझबाट उठेको रकम तेस्रो राष्ट्रिय खुल्ला ब्याडमिन्टन प्रतियोगिता संचालनको खर्च गरिने आयोजक क्लबका अध्यक्ष तामाङले बताए ।
