धरान,
पछिल्लो समय व्यस्त तथा चर्चित निर्देशक देउ कृष्ण लिंखा याक्खा (राई) को निर्देशनमा रहेको पूर्वेली लोकभाकाको गित “सुनकेसरी” को म्यूजिक भिडियो छायाङकन सकिएको छ । चर्चित गायिका सुनिता थेगिम र समिर सिंगकको आवाजमा रहेको गितको म्यूजिक भिडियो पाँचथरको पर्यटकिय स्थल साधुटार र चोकमागुमा छायाङकन गरिएको । पत्रकार तथा गितकार टिआर सेनेहाङको शब्द,समिर सिंगकको संगित रहेको यस गितको म्यूजिक भिडियोमा रोमियो पंधाक र विमला खजुमको मुख्य भुमिका रहेको छ भने टिआर सेनेहाङ, निसाम तुम्बापो,आधुनिक देवान,सिता थेगिम,रविन नाल्बो लगायतको सहायक भूमिका रहेको छ ।
रोमियो फिल्म्ले निर्माण गरेको यस भिडियोमा कृष्ण सुवेदीको श्रृङगार तथा सुमन लामाको क्यामेरा रहेको छ । समाजमा भएको घटनालाई भिडियो मार्फत यथार्थ चित्रण गर्न खोजिएको कथावस्तु समेटिएको यस फिल्मी भिडियो नयाँँ सालको बैशाखमा रिलिज गरिने तयारी रहेको छ ।
