प्रकाश पाक्साँवा
तेह्रथुम १७ कार्तिक
तेह्रथुम जिल्लाको लालीगुराँस नगरपालिका ७ र ९ को सगम स्थलमा रहेको लसुने बजारमा दिपावली मेलाको अवसरमा पुरुष आमन्त्रित पुरुष फुटबल तथा बृहत सांस्कृतिक कार्यक्रम हुने भएको छ । रियल लसुने युवा क्लबको आयोजना तथा लालीगुराँस नगरपलिकाको सहयोगमा कार्यक्रम हुने भएको हो ।
कार्यक्रममा फुटबल कार्तिक २० गतेदेखी २५ गतेसम्म प्रतियोगिता हुने भएको खेल संयोजक सुमन लिम्बुले जानकारी दिनु भयो । प्रतियोगितामा विजेताले नगद १ लाख १ हजार १ सय ११ रुपैयाँ दिपावली कप,मेडल प्रमाणपत्र प्राप्त गर्ने छन । त्यस्तै उपविजेताले ५० हजार ५ सय ५५ रुपैयाँ मेडल र प्रमाणपत्र प्राप्त गर्ने रियल लसुने क्लबका अध्यक्ष रतन लिम्बुले बताउनु भयो ।
त्यस्तै कार्तिक २५ गते राष्ट्रिय कलाकार एलिना चौहान,निशान भट्टराई ,केहेर सिं लिम्बका साथै स्थानीय कालाकारहरुको प्रस्तुती रहने भएको छ । कार्यक्रममा विभीन्न जातजातीहरुको भेषभुषा सहितको झाँकीहरु समेत प्रस्तुत गरिने भएको क्लबका सल्लाहकार हिम थापाले बताउनु भयो । फुटबल प्रतियोगितामा कोशी प्रदेशका विभीन्न १२ टिमको सहभागीता रहेको छ ।
