प्रकाश पाक्साँवा
तेह्रथुम २१ कार्तिक
तेह्रथुम जिल्लाको लालीगुराँस नगरपालिका ७ र ९ को संगम स्थल लसुने बजारमा दिपावलीको अवसरमा
दोश्रो दिपावली कप आमन्त्रित पुरुष फुटबल प्रतियोगितामा आज तिन खेल सम्पन्न भएका छन । रियल लसुने युवा क्लबको अयोजना तथा लालीगुराँस नगरपालिकाको सहयोगमा प्रतियोगिता आयोजना गरिएको हो ।
आज भएको पहिलो खेलमा कालिका सामुदायिक युवा क्लब लालीगुराँस तेह्रथुमले जहदा मोरङलाई ० को विरद्ध ५ गोल गर्दै क्वाटर फाईनलमा प्रवेश गरेको छ । त्यस्तै आज भएको न्यु युथ आखिभुई संखुवासभाले रियल लसुने तेह्रथुमलाई ० को विरुद्ध १ गोलले पराजित गरेको खेल संयोजक सुमन लिम्बुले जानकारी दिनु भयो । त्यस्तै आज भएको तेश्रो खेलमा जिरीखिम्ती युथ क्लबले १ को विरुद्धको २ गोल गर्दै र न्यु पाथीभरा बसन्तपुरलाई पराजित गर्दै क्वाटर फाईनलमा प्रवेश गरेको छ ।
लालीगुराँस नगरपालिका, तेह्रथुमको विशेष सहयोगमा हुन गईरहेको प्रतियोगिताको विजेताले उपाधिसहित नगद १ लाख १ हजार १सय ११ रुपैयाँ हात पार्नेछ भने उपविजेताले ५० हजार ५सय ५५ रुपैयाँसहित ट्रफी, मेडल र प्रमाणपत्र प्राप्त गर्ने क्लबका अध्यक्ष रतन लिम्बुले बताउनु भयो ।
