प्रकाश पाक्साँवा
तेह्रथुम १३ भदौ
तेह्रथुमको छथर सुक्रबारेमा ऐतिहाँसिक रुपमा लाग्दै आएको भदौरे पुर्णिमा मेलाको अवसरमा आयोजित चौथो छथर गाउँपालिका अध्यक्ष भलिबल प्रतियोगितामा प्रथम पुरस्कार १ लाख ५१ हजार पाउने भएको छ । स्थानीथ तह स्तरीय भलिबल प्रतियोगितामा प्रथमले नगद सहित गाउँपालिका अध्यक्ष कप,मेडल र प्रमाणत्र पाउने भएको छ ।
त्यस्तै दोश्रो हुनेले नगद ७५ हजार ट्रफी, मेडल र प्रमाणपत्र पाउनेछन । आयोजकका अनुसार सर्वाेउत्कृष्ट खेलाडीले ५ हजार ट्रफी, मेडल र प्रमाणपत्र पाउनेछन । त्यस्तै वेष्ट लिब्रो,वेष्ट स्पाईकर र वेष्ट सरभरले ट्रफी, मेडल र प्रमाणपत्र पाउनेछन । प्रतियोगिताको सेमीफाईनलबाट बाहिरीने टिमले १० हजार प्रदान गरिने भएको छ । प्रतियोगिता भदौ १४ गतेदेखी सुरु हुने भएको छ ।
प्रतियोगिता छथर गाउँपालिकाको आर्थीक सहयोग तथा रत्नदेवी युवा सेवा समाज तथा छथर गाउँपालिका अध्यक्ष कप भदौरे पुर्णिमा मेला व्यवस्थापन सुक्रबारे तेह्रथुमको आयोजनामा हुने भएको हो ।
