टिआर सेनेहाङ
तेह्रथुम,भदौ २३
तेह्रथुमको म्याङलुङ नगरपालिका–६ सुर्केमा रहेको नवजिवन दुग्ध उत्पादक सहकारी संस्थाले दुग्ध उत्पादक कृषकहरुलाई सम्मान गरेको छ । सहकारी संस्थाले आफ्नो १५ औ साधारणसभाको अवसरमा बार्षिक रुपमा ३ हजार ५ सय लिटर भन्दा बढि दुध उत्पादन गर्ने कृषकलाई सम्मान गरेको हो । सस्थाले सबैभन्दा बढि दुध उत्पादन गर्ने बिजेश भट्टराई लगायत १० जना कृषकहरुलाई सम्मान गरेको हो । भट्टराईले एक बर्षको अवधीमा १७ हजार २ सय ५७ लिटर दुध उत्पादन गर्नुभएको थियो ।
सम्मान पाउनेमा फणिन्द्र भट्टराई,हरि प्रसाद तिम्सिना,ग्येल्लु सेर्पा,कमला सुवेदी,नरेन्द्र सापकोटा,डोलेश्वर गौतम,शिविर लिम्बु,माधव आपगाई र अविन्द्र आँपगाई लगायतका कृषक रहनुभएको छ । १ सय ६ जना सेयर सदस्य रहेको सहकारी १ सय १५ जना कृषक दैनिक रुपमा दुध संकलन गर्दै आएका छन् ।
यसैगरि आजै सम्पन्न सहकारी सस्थाको आठौ अधिबेशनले बिजेश भट्टराईलाई अध्यक्ष चयन गरेको छ । सस्थाको उपाध्यक्षमा बसन्ती लिम्बु,सचिव डोलेश्वर गौतम र कोषाध्यक्ष गिता भट्टराई चयन हुनुभएको छ । त्यसैगरि पहलमान तिम्सिनाको अध्यक्षतामा ३ सदस्यिय लेखा सुपरिवेक्षण समिति समेत गठन गरिएको छ । साधारणसभा तथा अधिबेशन म्याङलुङ नगरपालिकाका उप प्रमुख जमुना कार्की सुवेदीको प्रमुख आथित्यमा सम्पन्न भएको हो ।
