नरेन्द्र कश्चित
असोज १४ धनकुटा
किरात राई पत्रकार संघको १६औं स्थापना दिवसको अवसरमा शुभकामना आदान प्रदान कार्यक्रम आज धनकुटामा सम्पन्न भएको छ ।
किरात राई पत्रकार संघ धनकुटाका अध्यक्ष शर्मिला राईको अध्यक्षतामा सम्पन्न शुभकामना आदानप्रदान कार्यक्रममा किरात राई पत्रकार संघका केन्द्रीय सदस्य नरेन्द्र राईको प्रमुख आतित्थ्यमा सम्पन्न भएको हो ।
किरात राई पत्रकार संघको १६औं स्थापना दिवसकै अवसर पारेर धनकुटा नगरपालिकामा हालै सरुवा भइ आउनु भएका प्रमुख प्रशासकीय अधिकृत दशरथ राईलाई किरात राई पत्रकार संघ धनकुटा अध्यक्ष शर्मिला राई,केन्द्रीय सदस्य नरेन्द्र राई लगायतका फेटा लगाई दिइ स्वागत सम्मान समेत गरिएको थियो ।
किरात राई पत्रकार संघको १६औं स्थापना दिवस
को अवसरमा शुभकामना आदानप्रदान कार्यक्रमका प्रमुख अतिथि नरेन्द्र राईले पत्रकार र पत्रकारिता विषयमा पछिल्लो समय विभिन्न पाटोमा केही चुनौती थपिएको र त्यो चुनौतीसँग राई पत्रकारहरु संघर्षरत रहेको कुरा बताउनु भयो ।
शुभकामना आदान प्रदान कार्यक्रममा किरात राई पत्रकार संघका पुर्व केन्द्रीय सदस्य टकलाल राई,किरात राई पत्रकार संघ धनकुटाका सल्लाहकार विजय सन्तोषी राई,नगेन्द्र राई,पत्रकार महासंघ प्रदेश उपाध्यक्ष हिमा चेम्जोङ्ग,फोनिज प्रदेश अध्यक्ष सन्तबीर लामा,फोनिज संघीय सदस्य विदुर खवास लगायतकाले शुभकामना मन्तब्य राख्नु भएको थियो ।कार्यक्रममा विभिन्न संचारमाध्यममा आबद्ध संचारकर्मीहरुको उपस्थिति रहेको थियो ।
